Në përgjigje të sulmeve të kryera javëve të fundit nga talibanët zgjedhjet presidenciale në Afganistan po mbahen nën masa të rrepta sigurie.
Rreth 72 mijë pjesëtarë të sigurisë janë shpërndarë në qendrat e votimit në mbarë vendin për të kundërshtuar militantët talibanë që janë zotuar të shënjestrojnë qendrat e votimit, por edhe prej frikës për manipulim të votave.
Mbi 2 mijë prej 7 mijë qendrave të votimit janë të mbyllura, për shkak të kërcënimeve, ndërsa zyrtarët në Kahndahar kanë raportuar se teksa zgjedhjet po zhvillohen ka ndodhur një shpërthim në një xhami, e cila po përdorej si qendër votimi. Nga ky shpërthim janë plagosur të paktën 15 persona, tre nga të cilët janë në gjendje të rëndë.
Kujtojmë se pesëmbëdhjetë kandidatë po garojnë në këto zgjedhje, por favorit konsiderohet presidenti aktual, Ashraf Ghani, i cili kërkon edhe një mandat tjetër pesëvjeçar si dhe kryeshefi ekzekutiv, Abdullah Abdullah./Opinion.al
