Më shumë se 7500 punonjës policie do të jenë në terren gjatë ditës së dielë për të siguruar rendin dhe sigurinë gjatë procesit zgjedhor, nga të cilët 5200 do të jenë pranë qendrave të votimit.
Mësohet se me urdhër të Drejtorit të Përgjithshëm të Policisë Ardi Veliu, Policia e Shtetit ka kaluar në gatishmëri dhe po ndjek një plan me 4 faza për të garantuar një proces zgjedhor të qetë.
Ndërkohë KQZ ka kërkuar nga policia të mos lejojë grumbullime 150 metra afër qendrave të votimit si edhe të mos angazhojë punonjës policie me më pak se 4 muaj eksperiencë.
Në orën 07:00 qendrat e votimit janë hapur në të gjithë vendin dhe tashmë ka nisur procesi zgjedhor./Opinion.al
