Gara e kandidatëve republikanë për të kryesuar shtëpinë e bardhë për vitin 2024 po bëhet gjithë edhe më e fortë. Mes rivalëve të tij, në sondazhet e bëra deri më tani ish-presidenti Donald Trump kryeson.
Kandidatët republikanë për president të Shteteve të Bashkuara, janë bashkuar për herë të parë në një skenë në Ajoa, ku 13 kandidatëve u është dhnënë nga 10 minuta për të folur dhe për të prezantuar kandidaturën e tyre.
Gjatë fjalës së tij në skenë Trump u tha të pranishmëve se ishte i vetmi kandidat që mund të fitonte zgjedhjet e vitit të ardhshëm dhe sugjeroi se kjo ishte arsyeja e vetme që ai përballet me një sërë akuzash penale dhe civile. Zoti Trump ka këmbëngulur tashmë se ai do të vazhdojë të kandidojë për Shtëpinë e Bardhë, edhe nëse dënohet.
Në darkë kanë marrë pjesë 1.200 persona dhe të gjithë konsiderohen me ndikim të madh në atë se kush do ta fitojë nominimin e republikanëve. Ngjarja e së premtes vjen një ditë pas zgjerimit të akuzave kundër Trumpit, për mënyrën se si i ka menaxhuar dokumentet e klasifikuara, pasi është larguar nga Shtëpia e Bardhë.
Ai mund edhe të paditet në Uashington, nën dyshimet se ka bërë përpjekje që ta përmbysë rezultatin e zgjedhjeve të vitit 2020, të cilat i ka fituar presidenti aktual, Joe Biden. Prokurorët federalë kanë zgjeruar hetimin e tyre penal ndaj ish-presidentit për trajtimin e dokumenteve të qeverisë pas largimit nga detyra, por ai mbetet kryesuesi për nominimin republikan.
Sipas një mesatare të sondazheve të opinionit FiveThirtyEight, zoti Trump është me 52.4%, Guvernatori i Floridës DeSantis me 15.5% dhe të gjithë të tjerët janë nën 10% në garën republikane./Opinion.al
