Bashkimi Evropian, ka reaguar pas zgjedhjeve në Kosovë, teksa ka bërë thirrje që partia e cila do të jetë fituese në këto zgjedhje të vazhdojnë angazhimin konstruktiv në dialogun me Serbinë.
“Rruga evropiane e Kosovës po ashtu shkon edhe përmes normalizimit gjithëpërfshirës të raporteve me Serbinë dhe BE pret nga autoritetet në Prishtinë që të angazhohen në mënyrë konstruktive me qëllim të vazhdimit të takimeve në dialogun e lehtësuar nga BE-ja dhe ta shfrytëzojnë rastin që kanë përpara për të arritur një marrëveshje gjithpërfshirëse”, thuhet në një komunikatë të përbashkët të lëshuar nga Përfaqësuesi i Lartë për Politikë të Jashtme dhe Siguri Josep Borrell dhe Komisionari për Zgjerim dhe Fqinjësi Oliver Verhelyi. Dy zyrtarë e lartë evropianë përsëriten edhe gatishmërinë e BE-së për të vazhduar mbështetjen ndaj Kosovës.
“Me 14 shkurt qytetarët e Kosovës hodhën votën e tyre në zgjedhjet e parakohshme parlamentare. Varësisht nga certifikimi i rezultateve përfundimtare, ne presim krijimin e Kuvendit të ri, sikur edhe qeverisë e Presidentit të ri”, thuhet në këtë komunikatë.
Gjithashtu shtohet se “Bashkimi Evropian kishte dërguar një mision ekspertësh zgjedhorë i cili do të mbetet në Kosovë për të ndjekur edhe procedurat pas zgjedhore si dhe për të dhënë rekomandime”.
“Bashkimi Evropian do të vazhojë të angazhohet me autoritetet, me qëllim të mbështetjes së Kosovës në arritjen e progresit të prekshëm në rrugën evropiane. Kjo kërkon që Kosova të avancojë në reforma, të drejtuara nga Marrëveshja e Stabilizim Asocimii dhe Agjenda Evropiane e Reformave, si dhe nga bashkëpunimi rajonal”, shprehen Borrell dhe Verhelyi në komunikatën e përbashkët të lëshuar për zgjedhjet në Kosovë.
Kujtojmë që dialogu midis Kosovës dhe Serbisë ka nisur në vitin 2011 nën drejtimin e Bashkimit Europian. Ky dialog pati një pauz 20-mujore, teksa ka rinisur sërish në korrikun e vitit 2020. Takimi i fundit i zhvilluar mes palëve u zhvillua në shtatorin e vitit të kaluar./Opinion.al
