Aktualitet

Ndahet nga jeta si pasojë e COVID-19 ish-prefekti i Vlorës, Eduart Velçani


Bëhu pjesë e Grupit Zyrtar të Opinion.al
>> KËTU <<
               Publikuar në : 13:15 - 15/02/21 |
Semiljana Azizi

Ish-prefekti i Vlorës, Eduart Velçani, ka ndërruar jetë si pasojë e COVID-19, pasi ishte intubuar që prej ditës së premte.

Velçani e ka ushtruar detyrën e prefektit për 4 vite në Vlorë, nga viti 2009 në 2013. Jurist në profesion, ai ishte anëtar i kryesisë së Partisë Demokratike në qytetin bregdetar.

Për vdekjen e ish-prefektit  Velçani ka reaguar dhe kryedemokrati Lulzim Basha nëpërmjet një postimi në “Twitter”.

Basha shkruan se Velçani do të mbahet mend për kontributin e tij si dhe për angazhimin si prefekt i Vlorës dhe pjesëmarrjen në degën e PD së Vlorës të cilën ndihmoi ta themelonte.

Me hidhërim mora lajmin për ndarjen nga jeta të Eduart Velçanit që humbi betejën me Covid-19. Qytetari me vlera të patjetërsueshme për Vlorën dhe gjithë Shqipërinë ka qenë mbështetës për çdo problematikë të bashkëqytetarëve të tij vlonjatë.

Ai do të mbahet mend për kontributin e tij për demokracinë, angazhimin si prefekt i Vlorës, dhe në degën e PD së Vlorës të cilën ndihmoi ta themelonte. Ngushëllimet e mija më të ndjera për Edvanin dhe Albanin dhe bashkëshorten Valentinën e miqtë e tij të shumtë. U prehtë në paqe!”– shkruan Basha./Opinion.al

Pas