Kryeministri Rama ishte sot në Vlorë në inagurimin e bulevardit pranë Lungomares. Megjithatë në fjalën e tij, kryeministri nuk u ndal vetëm tek ky projekt por edhe në disa pika kyçe të fushatës elektorale e cila mesa duket tashmë ka filluar.
Ai foli për masat financiare që u morën gjatë pandemisë si dhe ato që pritet të miratohen për bizneset dhe rritjen e pagave për mjekët.
“Atyre qe thone pse u kujtove tani, u them qe une jam kujtuar edhe kur zotrote flije gjume, cdo dite e cdo nate, por te rrisesh kontributet nga shteti për njerëzit, të heqësh komplet TVSH, tatimin e fitimit mbi një kategori sic është ajo e sipërmarrësve të vegjël nuk është fjalë goje dhe nuk bëhet se do ti ta bësh, por sepse do dhe mund ta bësh kur janë krijuar kushtet për ta bërë. Detyrim që është bërë edhe më i madh në kushtet kur i kemi parë me sytë tanë, ata që nuk duan sdo shikojnë kurrë sado që Zoti ua ka dhënë të dy kokërdhokët e syve, se cfarë janë mjekët në vend, pyll pa derra nuk ka, ka mjekë, infermirë, në cdo fushë njerëz që fusin duart në xhepat e njerëzve, por janë këta që i kemi ringritur nga gremina që po e përballon me dinjitet e sukes goditjen tronditëse të virusit, ama sot ne kemi munëdësi të bëjmë edhe këtë, pra të rrisim edhe pagat dhe kjo nuk ka lidhje se ne kemi zgjedhje në prill, fare.”, tha Rama.
Kryeministri deklaroi i sigurt se zgjedhjet për mandatin e tretë, Partia Socialiste do t’i fitojë.
“Zgjedhjet ne i fitojmë si me keto si pa keto, kjo nuk diskutohet. Se pertej denglaxhinjve dhe atyre qe kanë pakënaqësit të natyrshme, nuk ka qenë e lehtë për asnjë familje, të përballojë gjithë këtë stres, që nga nëntori kur ta tërmeti, populli është shumë i mëncur. Populli do flase prapë sic ka folur dhe do flasi drejt dhe do t’i japë zotit atë që është e zotit, Cezarit atë që i takon Cezarit”, tha ai.
Ndër të tjera, kryeministri rikonfirmoi se ai do të kandidojë përsëri në Vlorë në zgjedhjet e 25 prillit të vitit të ardhshëm.
“Unë në Vlorë kam qenë edhe më parë se të bëhesha kryetar, në Vlorë isha edhe kur u bëra kryetar i PS, në Vlorë jam edhe tani që jam kryeministër dhe në Vlorë do jem edhe kur të mos jem më kryeministër, madhe do jem më shumë atëherë se do të kem më pak angazhime. Më ikën mendja kur më thonë ik shiko realitetin. Këta që më thonë nuk do arrijnë të bëjnë aq metra sa unë kam bërë kilometra në Shqipëri”, tha Rama./ Opinion.al
