Ministrja e Shtetit për Marrëdhëniet me Parlamentin Elisa Spiropali i është përgjigjur akuzave të kryetarit të PD, Lulzim Basha për “trekëndëshin e Bermudës”, ku kryedemokrati përfshin, Kryeministrin Edi Rama, Presidentin, Ilir Meta dhe ish-kryeministrin Sali Berisha.
Nëpërmjet një postimi në rrjetet sociale, Spiropali ka shigjetuar Bashën referuar zgjedhjeve të pjesshme në 6 bashki dhe pyet se si do ta festojë humbjen e radhës.
“Erdhi 6 marsi! Jam tejet kurioze si do ta festojë Lulzim Basha humbjen e radhës, si mishërimi i ndryshimit që nuk vjen apo si ndryshimi që nuk mishërohet kur vjen?“, shkruan Spiropali.
Ndërkohë, ka ardhur dhe përgjigjja për Spiropalin nga PD. Zëdhënsja e PD, Ina Zhupa, thotë se ministrja duhet të jap llogari për varfërimin e qytetarëve dhe korrupsionin në qeveri.
“Zonja e Doganave” të shqetësohet për korrupsionin që varfëron familjet shqiptare dhe të japë llogari përpara qytetarëve për takimet me oligarkët që gjallojnë falë klientelizmit të qeverisë më të korruptuar në Europë. Rama është i korruptuar. Qeveria e tij është e korruptuar. Me këta në krye, Shqipëria nuk mund të ketë zhvillim. Shqiptarët duhet ta braktisin të shkuarën dhe të korruptuarit!”-shkruan Zhupa./Opinion.al
