OSBE-ODIHR zhvilloi sot një konferencë për shtyp për zgjedhjet parlamentare.
Ambasadori Lamberto Zannier, tha gjatë fjalës së tij se sot hapet zyrtarisht misioni i vëzhgimit të zgjedhjeve të 11 majit.
Ai njoftoi se misioni do të përbëhet nga një ekip ekspertësh prej 12 vetësh.
Sipas tij, do të jenë 26 vëzhgues afatgjatë dhe do kërkohen 300 vëzhgues afatshkurtër afër ditës së zgjedhjeve.
“Sot hapim zyrtarisht misionin e vëzhgimit në zgjedhjeve. Misioni vjen pas ftesës së autoriteteve vendase dhe do të përbehet nga një ekip ekspertësh prej 12 vetësh. Do të jetë 26 vëzhgues afatgjatë dhe do kërkohet 300 vëzhgues afatshkurtër afër ditës së zgjedhjeve.
Ashtu sikurse ka qenë misioni i OSBE edhe ndër vite, edhe këtë vit objektivi i misionit të vëzhgimet të zgjedhjeve është të vlerësojë mënyrën sesi do kryen këto zgjedhje, nëse do të jetën në përputhje me angazhimet që ka marrë Shqipëria lidhur me OSBE si dhe me detyrimet dhe standarde të tjera ndërkombëtare që rregullojnë zgjedhje demokratike. Sigurisht është nëse janë në përputhje me legjislacionin vendas.
Për arritjen e këtij objektivi, do të përfshihen zhvillime para dhe pas zgjedhjeve. Disa fusha me interes për misionin përfshijnë; zbatimin e kuadrit ligjor; zhvillimi i fushatës; përfshirë atë në rrjete sociale; Puna e administratës zgjedhore në të gjitha zgjedhjet; zgjidhja e mosmarrëveshjeve lidhur me zgjedhjet, dhe mbulimi mediatik. Vëzhguesit do të vlerësojnë gjithashtu rekomandimet e mëparshme
Pjesë e këtij procesi do të jenë edhe takime. Dje pata disa takime me ministrinë e jashtme, komisionerin e zgjedhje etj, që ishin konstruktive”, u shpreh Zannier.
