Procesi i numërimit të votave për votimin brenda territorit të Shqipërisë, ka përfunduar në të gjithë vendin, teksa tashmë vijon numërimi i votave të diasporës, si dhe votave për kandidatët.
Sipas të dhënave paraprake të KQZ, brenda vendit më 11 Maj votuan 1.458.251 persona, ose 42.21%.
Nga rezultatet e deritanishme PS prin me 83 mandate, teksa Partia Demokratike numëron 50 të tilla. Mandatet e tjera ndahen mes katër partive të tjera, ku forcë e tretë deri tani është Partia Socialdemokrate me 3 mandate.
Partia Mundësia po siguron dy mandate. Po ashtu edhe Lëvizja Bashkë si dhe Nisma Shqipëria Bëhet deri tani e kanë nga një mandat të siguruar.
Kujtojmë se në 11 Maj shqiptarët u drejtuan kutive të votimit ku QV ishin të hapura deri në orën 19:00 ndërsa të drejtën për të votuar e patën mbi 3.7 milionë shqiptarë. Këto janë zgjedhjet e 11-ta në Shqipëri pas ardhjes së demokracisë.
