Kur duhet edhe një javë nga afati i fundit për përfundimin e draftit të Reformës Zgjedhore, negociatat mes palëve duket se kanë ngecuar në një pikë.
Formula e zgjedhjes së organeve të Komisionit Qëndror të Zgjedhjeve është me sa duket e vetmja çështje ku palët nuk po bien dakord.
Mazhoranca ka rrëzuar dy propozime të opozitës jashtë parlamentare ndërkohë që kjo e fundit ka dorëzuar sot propozimin e saj të tretë.
“Përzgjedhja bëhet në një komision parlamentar, ku opozita do të ketë një përfaqësues të vetin me të drejtë vetoje. Ky përfaqësues zgjedh 2 nga 5 anëtarët të Rregullatorit dhe 2 nga 5 anëtarët e Komisionit të Apelimit e Sanksioneve. Shumica zgjedh 3. Më pas Kuvendi miraton ose rrëzon në bllok të 5 të përzgjedhurit. Për Komisionerin, PS zgjedh 4 kandidatë, Përfaqësuesi i Opozitës Politike përjashton 2 dhe Kuvendi zgjedh 1 nga 2 të mbeturit”, thuhet në propozimin e opozitës.
Këshilli Politik pritet të mblidhet nësër me kërkesë të Damian Gjiknurit i cili ka kërkuara nga përfaqësuesit të sjellin propozime për të gjitha çështjet që ende nuk janë mbyllur. /Opinion.al
