Partia Demokratike mbledh sot Kryesinë. Lajmi është bërë i ditur nga mesazhi i sekretarit të Përgjithshëm, Gazmend Bardhi, i cili njofton se sot do të bëhet miratimi i kandidatëve të PD për zgjedhjet e pjesshme vendore të 6 marsit.
Kryesia e Partisë do të bëhet sot në orën 19:00 dhe rend i ditës do të jetë “Miratimi i kandidatëve të Partisë Demokratike në zgjedhjet e pjessëshme vendore të 6 Marsit”.
“Të nderuar anëtarë të Kryesisë,
Sot, datë 3 Shkurt, ora 19:00, do të zhvillohet mbledhja e Kryesisë së Partisë, me rend dite “Miratimi i kandidatëve të Partisë Demokratike në zgjedhjet e pjesëshme vendore të 6 Marsit”.
Duke ju uruar punë të mbarë,
Sekretari i Përgjithshëm
Gazment Bardhi”,-thuhet në njoftim.
Kandidatët e PD për zgjedhjet e pjesshme vendore të 6 marsit:
Për Bashkinë Durrës PD garon me Luan Hoti
Për Bashkinë e Rrogozhinës PD garon me Ferdinand Saraçin
Për Bashkinë Shkodër PD garon me Xhemal Bushatin
Për Bashkinë Lushnje PD garon me Indri Sefa
Për Bashkinë Vorë PD garon me Ymer Markun.
Për Bashkinë e Dibrës garon Luan Haka./Opinion.al
