Ditën e sotme qarkulloi në media të ndryshme një video e zëvendësministres së Arsimit Lorena Haxhiut, ku gjatë fjalës së saj gjatë panairit “Work and Study”, u përfol se kishet bërë një lapsus.
Ka qenë shprehja “Sepse atë që ju do të korrni, atë edhe do të mbillni në të ardhmen”, e cila bëri “xhiron e rrjetit”.
Ndërkohë, ka ardhur dhe reagimi i zëvendësministrese cila thekson se ajo shprehje është keqkuptuar duke e nxjerrë nga konteksti për të cilin është përdorur.
Ajo sqaroi duke thënë se; “Atë që ju do të korrni (në panairin e punës), atë do të mbillni dhe në të ardhmen (në tregun e punës)!”.
Ajo e mbyll reagimin duke ironizuar mediat, pasi sipas saj, nuk ka pasur mjaftueshëm lajme të këqija.
LEXO EDHE: Video/ Gafa e zëvendësministres: Atë që do të korrni, do të mbillni
“Ka tekst, por ka edhe kontekst” – citonte dikur një profesori im në auditoret e fakultetit.
M’u kujtua sot, teksa portalet e futën në makinerinë e tyre dhe e nxorrën të deformuar e jashtë kontekstit fjalën time të djeshme në çelje të Panairit të Punës.
“Atë që ju do të korrni (në panairin e punës), atë do të mbillni dhe në të ardhmen (në tregun e punës)!” ishte fjalia ime përmbyllëse drejtuar të sapodiplomuarve, teksa prisnin të vizitonin stendat, për të korrur frytet e punës së tyre, pas vitesh të tëra studimi, lodhjeje, mundi e sakrifice.
Duket që nuk paska patur mjaftueshëm lajme të këqija dje… Nice try”-shkruan Haxhiu./ Opinion.al E.Xh.
