Presidenti ukrainas, Volodymyr Zelensky ka deklaruar se Rusia po krijon qëllimisht një krizë ushqimore dhe po përdor urinë si “armë”, në përpjekje për të fituar terren në Ukrainë.
“Ukraina është një nga vendet kryesore furnizuese me ushqime në botë me eksporte,” tha ai.
“Do të ketë mungesë ushqimi dhe çmimet do të rriten, dhe ky është realiteti për miliona njerëz që janë të uritur dhe do të jetë më e vështirë për ta për të ushqyer familjet e tyre”.
Në një fjalim në parlamentin irlandez, ai sulmoi Perëndimin për mungesën e marrjes së veprimeve më të forta kundër Rusisë dhe u kërkoi liderëve politikë të Irlandës që të bindin vendet e tjera të BE-së për të vendosur sanksione më të ashpra.
“Nuk mund të toleroj asnjë pavendosmëri,” tha ai, duke bërë thirrje për sanksione “më të rrepta”.
Ai akuzoi gjithashtu disa udhëheqës politikë dhe biznesi se nuk i konsiderojnë krimet e luftës po aq të tmerrshme sa humbjet financiare.
Qytetarët në qytetet e rrethuara të Ukrainës dhe ata nën pushtimin rus thuhet se po luftojnë me aksesin në ushqim dhe ujë të pijshëm.
Ndërsa situata në Ukrainë bëhet më e dëshpëruar, Zelensky është bërë më kritik ndaj liderëve perëndimorë që ai beson se nuk kanë ofruar ndihmë të mjaftueshme ose që ende po paguajnë për gazin rus./Opinion.al
