Ditën e sotme u nda nga jeta në moshën 80-vjeçare mjeshtri i madh, aktori i humorit Gëzim Kruja.
Ndërkohë, miku i tij, aktori i humorit Zef Deda ka folur për artistin e madh duke thënë se e ka pasur idhull dhe se humbja e tij nuk është një humbje veç për Shkodrën, por për gjithë Shqipërinë.
“Kjo që po kalojmë është një situatë tepër e vështirë në të gjithë botë, po ashtu i vështirë dhe i zorshëm ishte edhe lajmi për ikjen e Gëzim Krujës, na pikëlloi. E kemi pas ne më të rinjtë idhull, sa bukur dilte në skenë, sa interpretonte, njerëzit në tan Shkodrën e tan Shqipninë qeshnin me të. Ai ishte artist i madh. Kishte sjellje të jashtëzakonshme me kolegët dhe ne thoshim po deshe me dal lirshëm në skenë dil me Gëzim Krujën, kishte aftësi të improvizonte cdo gjë. Ai më mrekulloi,më surprizoi, më solli një tufë lule. Ngushëlloj Shkodrën, kolegët dhe familjen e tij per humbjen e madhe”,- tha Deda./ Opinion.al
