Emisioni “Le Iene” ka ngritur disa pikëpyetje mbi rolin e ish –shefes se Interpolit italian ne Tirane, Ana Poxhit, ne arrestimin e ish –shefit te antidroges se Fierit, Dritan Zagani. Gazetaret investigative italiane hedhin dyshime se Ana Poxhi gënjeu per Zaganin, per te përfituar favore ne nje ceshtje personale ne Shqiperi.
Emisioni “Le Iene” që transmetohet në Mediaset ka publikuar të hënën në mbrëmje një reportazh mbi çështjen e akuzave te ish-shefit të antidrogës së Fierit, Dritan Zagani. Për herë të parë ky emision zbuloi një dokument per te cilin gazetari thote se coi ne arrestimin e Zaganit.
Eshte nje shkrese e ish –shefes se zyres se Interpolit Italian ne Tirane, Ana Poxhi, e cila shkruan se italiani me te cilin komunikonte dritan zagani per operacionet antidroge, nuk ishte punonjës i Guardi di Financa, sic thote Zagani. Sipas Poxhit, Alesandro Xhuliani nuk kishte asnjë funksion ne shërbimet policore italiane. Ky dokument, sipas Zaganit, coi ne prangosjen e tij.
Por gazetari i Le Iene ka zbuluar se Xhuliani ishte nje lloj agjenti sekret i Guardia di Financa, i cili komunikonte me burime të ndryshme, përfshirë trafikantë, për të mbledhur informacion mbi trafikun e drogës.
Gazetarët e “le Iene” kanë ngritur dyshime përse Pogi mbajti këtë qëndrim. Vetë Zagani pretendon se ajo e beri kete per te përfituar nenshtetesine shqiptare, e cila i nevojitej per te birësuar dy femije shqiptare. Duke qene e pamartuar, nenshtetesia italiane ia mohonte birësimin.
Sipas Zaganit, për favorin që iu bë, ajo dëshmoi kundër tij. Tashmë Pogi jeton në Slloveni sërish në rradhët e Interpol. Gazetari Luiixhi Pelaza ka udhëtuar edhe drejt Divjakës për të vërtetuar fjalët e Zaganit për ulje avionësh që transportonin drogë. Për këtë ai ka pyetur banorët që pohojnë fjalët e tij. /tvklan/
