Kreu i opozitës, Lulzim Basha ka zhvilluar një takim me ish deputetë dhe anëtarë të kryesisë në mesditë.
Në këtë mbledhje Basha ka kërkuar të zhvillohen takime me pronarët e bizneseve në Tiranë me qëllim që të informohen për programin e Partisë Demokratike dhe gjendjen aktuale të taksave të rritura që ka aplikuar qeveria.
Këto takime me karakter organizativ bëhen përpara protestës së paralajmëruar 2 qershorit me qëllim rritjen sa më të shumtë të pjesëmarrjes.
“Nuk duhet lëne asnjë biznes pa prekur. Deri të dielën para protestës, të jenë takuar rreth 40 mije biznese në Tiranën urbane. T’u lihet fletëpalosja me pikat kyçe të programit të PD për biznesin, kryesisht biznesin e vogël si dhe fletëpalosja me taksat e rritura në Tirane”, tha Basha. /Opinion.al
