Dëshmi tronditëse ka zbuluar BBC, të cilat tregojnw për abuzim dhe torturë nga themeluesi i një prej kishave ungjillore të krishtera më të mëdha në botë.
Dhjetëra ish-anëtarë të Kishës së Sinagogës së të gjitha Kombeve, pesw britanikë, pretendojnë se TB Joshua i ka abuzuar seksualisht dhe i ka torturuar.
Akuzat për abuzim në një kompleks të fshehtë të Lagos shtrihen pothuajse 20 vjet. Kisha e Sinagogës së të Gjithë Kombeve nuk iu përgjigj akuzave, por tha se pretendimet e mëparshme kanë qenë të pabaza.
TB Joshua, i cili vdiq në vitin 2021, ishte një predikues jashtëzakonisht i suksesshëm, i cili kishte ndjekës të jashtëzakonshëm global.
Gjetjet e BBC-së gjatë një hetimi dy-vjeçar përfshijnë dhjetëra rrëfime të dëshmitarëve okularë të dhunës fizike ose torturave të kryera nga Joshua, duke përfshirë rastet e abuzimit të fëmijëve dhe njerëzve që fshikulloheshin dhe lidheshin me zinxhirë.
Shumë gra që thonë se janë abuzuar seksualisht nga Joshua, me një numër që pretendojnë se janë përdhunuar në mënyrë të përsëritur për vite me rradhë brenda kompleksit.
Pretendime të shumta për aborte të detyruara brenda kishës pas përdhunimeve të supozuara nga Joshua, duke përfshirë një grua që thotë se kishte kryer 5 aborte.
Shumë rrëfime të dorës së parë që tregojnw se si Joshua falsifikoi “shërimet e tij të mrekullueshme”, të cilat iu transmetuan miliona njerëzve në mbarë botën.
Një nga viktimat, një grua britanike, e quajtur Rae, ishte 21 vjeç kur braktisi Universitetin Brighton në 2002 dhe u rekrutua në kishë. Ajo i kaloi 12 vitet e ardhshme si një nga të ashtuquajturit “dishepuj” të Joshuas brenda kompleksit të tij të betonit si labirint në Lagos.
“Të gjithë menduam se ishim në parajsë, por ishim në ferr dhe në ferr ndodhin gjëra të tmerrshme”, tha ajo për BBC.
Rae thotë se u abuzua seksualisht nga Joshua dhe iu nënshtrua një forme izolimi për dy vjet. Abuzimi ishte aq i rëndë, sa ajo thotë se ka tentuar të vetëvritet disa herë brenda kompleksit.
