Autore kryesore e dyshuar për vrasjen e çiftit Pocesta dhe vajzës 14 vjece është vajza e madhe e familjes. Gjykata në Maqedoni ka lënë në arrest me burg atë dhe dy persona të tjerë bashkëpunëtorë në krim. Vajza me inicialet B.P, fillimisht ka kryer vrasjen makabre në Dibër dhe më pas ka udhëtuar drejt Italisë që më pas të kthehet përsëri në vendlindje pas lajmit se familja e saj është vrarë.
Portalet shqip në Maqedoni shkruajnë se autorja e krimit ka qenë e ndihmuar edhe nga dy persona të tjerë në këtë akt makabër, njëri nga qyteti i Gostivarit dhe tjetri nga Dibra të cilët momentalisht janë në paraburgim.
Familja banonte në Itali dhe ishte kthyer për pushime në shtëpinë e lindjes në qendër të Dibrës së Madhe. Viktima mbeten Amid Pocesta i lindur në vitin 1963, bashkëshortja e tij Nazmije Pocesta e lindur në vitin 1965 dhe vajza e tyre Anila Pocesta e lindur në vitin 2004. Parapraktisht dyshohet se pas krimit makabër qendron një konflikt pronësie, gjithsesi autoritetet në Maqedoni po punojnë për zbardhjen e plotë të krimit.
