Dy ditë pas vrasjes së Ermal Abdushit në Itali është arrestuar autori. Ai është po shqiptar, i identifikuar me emrin Jasin Sulo.
Jasin Sulo u arrestua sot, bëjnë të ditur mediat italiane. Ai dyshohet se është autori i vrasjes së 26 vjeçar Ermal Abdushi mbrëmjen e 30 dhjetorit në Varese të Italisë.
Po sipas mediave italiane, vrasja ka ndodhur në banesën e autorit. Abdushi u transportua i plagosur rëndë në spital dhe vdiq disa orë më vonë nderroi jete.
Personi që e transportoi në spital Abdushin, tha se është plagosur aksidentalisht me armë zjarri. Policia shkoi në shtëpinë e Jasin Sulos në Locate Varesino për të parë se çfarë kishte ndodhur. Por 30 vjeçari ishte zhdukur dhe gjurmët e gjakut në apartament ishin fshirë, duke shtuar dyshimet te policia se ngjarja nuk ka qenë aksidentale.
Jasin Sulo u arrestua tek disa të afërm të tij shqiptarë, ndërkohë që arma e krimit, një revolver Smith & ëesson i vjedhur më 28 dhjetor në Alassio u gjet në fushat e Mozzate.
Mbi 30-vjeçarin rëndojnë akuzat për vrasje, armëmbajtje pa leje dhe vjedhje.
Policia thotë se ende nuk është i qartë motivi i vrasjes. Po sipas policisë italiane, Sulo ka precedent penalë për armëmbajtje pa leje në Shqipëri, ndërsa viktima kishte precedent të mëparshëm për lëndë narkotike në Itali.
Policia italiane ka arrestuar edhe dy shqiptarë të dyshuar si bashkëpunëtorë të Sulos, një u arrestua në flagrancë për posedim dhe trafikim të kokainës dhe fshehje të armës së krimit, ndërsa tjetri për ndihmë dhe pastrimin e shtëpisë pas ngjarjes.
*Ne foto viktima Ermal Abdushi
