Ditën e djeshme në fshatin Palaj, Njësia Administrative Shosh të Shkodrës, u ekzekutua me armë zjarri 55-vjeçari, Lazër Arra.
Lidhur me vrasjen e 55-vjeçarit, policia njofton se ka arrestuar një person i cili dyshohet se është autori i krimit. Sipas policisë i arrestuari është identifikuar si Marash Arra, 26 vjeç, kushëri me viktimën.
Mësohet se i riu ka qëlluar për vdekje Lazër Arrën për shkak të konflikteteve të mëparshme mes familjeve. Ndërkohë, mbi të arrestuarin rëndojnë akuzat “Vrasja me paramendim” dhe “Armëmbajtja pa leje”.
Njoftimi i policisë
Zbardhet dhe dokumentohet ngjarja e ndodhur dje, ku mbeti i vrarë me armë zjarri shtetasi L. A. Arrestohet autori i dyshuar i kësaj ngjarjeje. Nga strukturat e D. V. P. Shkodër nën drejtimin e Prokurorisë së Rrethit Gjyqësor Shkodër, falë një pune intensive hetimore dhe në bazë të informacioneve të marra në rrugë operative është bërë dokumentimi ligjor dhe arrestimi në flagrancë i autorit të dyshuar, shtetasit: M. A., 26 vjeç, banues në fshatin Shtoj i Ri, Shkodër. Arrestimi i tij u bë pasi dje më datë 21.10.2019 dyshohet se ka vrarë me armë zjarri shtetasin L. A., në fshatin Palaj, Njësia Administrative Shosh, Shkodër. Kjo ngjarje dyshohet të ketë ndodhur për konflikte të mëparshme mes familjeve. Materialet iu referuan Prokurorisë së Rrethit Gjyqësor Shkodër, për veprat penale “Vrasja me paramendim” dhe “Armëmbajtja pa leje”./Opinion.al E.Xh.
