Policia ka identifikuar autorin e plagosjes me armë zjarri të ndodhur sot në rrugën “Muhamet Gjollesha” në Tiranë.
Sipas burimeve të policisë, Indrit Çelaj, 26 vjeç është qëlluar me pistoletë në kokë nga një person me inciale L.V, banues në Tiranë, i cili është shpallur në kërkim.
Rreth orës 11:30 Çelaj ndodhej në një vilë trekatëshe në rikonstruksion në rrugën “Muhamet Gjollesha” për instalimin e pajisjeve të kondicionerit.
Gjatë kësaj kohe ai dyshohet të ketë pasur një konflikt të çastit me personin me iniciale L.V i cili e ka qëlluar me armë zjarri duke e plagosur në kokë dhe më pas është larguar.
Çelaj u transportua menjëherë në Spitalin Ushtarak dhe ndodhet në gjendje të rëndë shëndetësore. /Opinion.al
KOMENTO (0)
