Gjatë vitit 2018, në Shqipëri janë përgjuar 4168 persona. Kjo është një nga shifrat që përmban raporti që Prokurorja e Përgjithshme Arta Marku ka dorëzuar në Kuvend.
Në raportin prej rreth 308 faqesh thuhet se prokuroria ka ekzekutuar 3063 vendime për përgjime të autorizuara nga gjykata për 715 procedime penale.
Nga këto, 147 procedime penale kanë qenë në kuadër të hetimeve të prokurorisë për krimet e rënda.
Disa nga këto përgjime pritet t’i japin përgjigje disa prej denoncimeve të shumta që janë bërë në politikë këto dy vitet e fundit, ku një ndër më të përfolurat mbetet dosja 339./ Opinion.al
