Policia e Tiranës informoi ditën e djeshme se pas operacionit policor, të koduar “Komunikimi”, kishin rënë në pranga 35 persona dhe po procedoheshin penalisht 20 të tjerë, të cilët akuzohen për mashtrim kompjuterit të rreth 2 milionë qytetarëve nëpër botë.
Të gjithë këto ishin punonjës të Call Center, ndërsa mes të arrestuarve, u njoftua se ishte edhe një shtetas izraelit, i dyshuar si organizatori i skemës së mashtrimit.
Ndërsa ditën e sotme është zbardhur dosja hetimore që lidhet me mashtrimin e qindra qytetarëve nga vende të ndryshme të Bashkimit Euriopian, përmes Call Center-ave në Shqipëri.
Sipas “News24”, në dosje thuhet se “nga shërbimet partnere janë duke u kryer hetime lidhur me veprën penale të mashtrimit kompjkuterik, për arsye përfitimi, ku dëmi i shkaktuar qytetarëve kap shifrën e disa mijëra eurove.
Në dosjen hetimore jepen detaje lidhur se si bëhej mashtrimi i qytetarëve. Mësohet se sapo viktima regjistrohej në platformën e mashtrimit me emër, mbiemër, email dhe numër telefoni, autorët e kontaktonin menjëherë në telefon dhe krijonin një bazë besimi me klientin e pretenduar.
Fillimisht klienti tundohej të investojë në sasi të vogla, me premtimin se brokeri-ndërmjetësi i pretenduar i faqes se investimeve do të realizojë një fitim të madh me investigimin e aksioneve dhe valutave të kriptuara.
Ky premtim i bazuar në një platformë fiktive, e cila ka për qëllim mashtrimin e viktimave nëpërmjet sistemeve kompjuterike, për përfitime të padrejta ekonomike, është i rremë”.
