Italia ka shënuar në 24 orët e fundit 169 raste të reja dhe 13 viktima nga koronavirusi.
Në një dalje për mediat, presidenti i zonës së Venetos Luca Zaia, tha se situata është nën kontroll, por kjo nuk do të thotë që duhet festuar.
“Dhe në këtë kontekst kemi sigurië të themi që rrënja e virusit tonë është më pak virulente, ka një ngarkesë virale më të vogël, por nga ana tjetër janë viruset që importohen nga jashtë. Vërejmë gjithashtu se mosha e të prekurve është ulur disi, pasi të moshuarit e kanë kuptuar dhe po mbrohen. Rastet në shtëpi nuk na shqetësojnë, por na shqetësojnë disi llojet e viruseve që hyjnë nga jashtë, për të cilët kemi intensifikuar kontrollet”, tha Zaia. Më tej ai shtoi se kanë analizuar virusin e hyrë nga Serbia tek 4 pacientë.
“Në lidhje me viruset jo autoktonë, janë kryer analizat nga doktor Riçi në kampionet e të infektuarve në Serbi. Dhe rezultati është që në 4 tamponë ngarkesa virale ishte shumë e lartë dhe të 4 tamponët janë identike mes tyre. Viruset e izoluara nga Serbia janë të ndryshëm nga viruset e izoluara deri më tani në Itali dhe Veneto. Sot nuk është e mundur të flasim për lidhje mes ndryshimeve të paraqitura tek viruset dhe mutacioneve, sepse deri më tani nuk ka mjaftueshëm studime që të flasin për një lidhje mes formave klinke të shfaqura dhe mutacioneve”, u shpreh ai./Opinion.al
