Presidenti i Maqedonisë së Veriut, Stevo Pendarovski i ka dorëzuar mandatin për formimin e qeverisë së re, kreut të LSDM-së, njëherësh edhe udhëheqësit të koalicionit “Mundemi”, Zoran Zaev.
Kreu i LSDM-së, Zoran Zaev tha se Maqedonia e Veriut do të sigurojë qeveri e cila do të vazhdojë rrugën drejt Bashkim Evropian.
Sipas Kushtetutës, subjekti fitues i zgjedhjeve, brenda 20 ditëve nga marrja e mandatit duhet të sigurojë shumicë parlamentare prej 61 deputetësh për formimin e qeverisë së re.
Koalicioni “Mundemi” mes Lidhjes Socialdemokrate të Maqedonisë (LSDM) kryetar Zoran Zaev dhe Lëvizjes Besa me kryetar Bilal Kasamin dolën fitues në zgjedhjet parlamentare të zhvilluara në 15 korrik.
Ata fituan 46 mandate dhe tani i duhen edhe 15 mandate për të formuar shumicën qeverisëse.
Zaev ka thënë se është në bisedime me partitë politike, por nuk saktëson nëse ka dakordësim për krijimin e qeverisë. Mediat në vend raportojnë se bisedimet me Bashkimin Demokratik për Integrim (BDI), kanë ngecur për shkak të çështjes se kryeministrit shqiptar.
Kreu i BDI, Ali Ahmeti kërkon që qeveria e re e Maqedonisë së Veriut të ketë një kryeministër shqiptar. BDI arriti të fitonte 15 mandate në zgjedhjet e 15 korrikut. /Opinion.al
