Ambasadorja e Shteteve të Bashkuara të Amerikës, Yuri Kim, pavarësisht temperaturave të ulëta, duket se ka kaluar një ditë ndryshe, sot në Tiranë.
Në fotot e publikuara në rrjetet sociale, kryediplomatja amerikane ka zgjedhur qendrën e kryeqytetit dhe zonën e Liqenit, për të shëtitur dhe për të takuar disa qytetarë, e shoqëruar me ambasadoren e Suedisë, Elsa Hassad.
Më tej, Kim është ndalur edhe për të blerë gështenja si dhe për të shijuar disa tinguj muzike tek Liqeni Artificial.
Krahas fotove në statusin në Instagram, ambasadorja shkruan: “Ftohtë por e ndritshme dhe me diell Tirana! E përsosur për një shëtitje rreth liqenit me miken time Elsa. Gëzuar vitin e ri!”
Nuk është hera e parë që Kim takon qytetarë shqiptarë. Kujtojmë se më herët ajo ka takuar gratë e jugut për të provuar kafen dhe rakinë shqiptare./Opinion.al
