Ish-ministri i Brendshëm, Fatmir Xhafaj, ka folur në mbledhjen e përbashkët të Këshillit për Legjislacionin dhe Komisionin për Çështjet Ligjore, Administratën Publike dhe të Drejtat e Njeriut, ku ka shprehur rezervat dhe pakënaqësitë për ritmin e punës së KPK dhe ONM, më lidhje me precizin e vettingut.
Deputeti socialist, i cili më parë ka qenë kryetar i komisionit për reformën në drejtës, gjithashtu ka kërkuar të bëhet një analizë, e që të adresohen edhe dyshimet e ngritura nga shoqëria civile për vendimmarrje të caktuara gjatë procesit të Vettingut.
“Duhet të ndërtojmë analizë, cilat janë problemet reale? Cilat janë arsyet e vonesave, se shqiptarët sot kanë të drejtë të pyesin pse u vonua 5 vjet? Se nga vonesat në Vetting duhet pranuar është krijuar gjithë vonesat në ndërtimin e ngritjen e institucioneve të reja. Tjetra garancitë që ky proces në vazhdim jep për të siguruar standardet e kërkuara, për integritetin e vendimmarrjes. Doja garancinë që jep ritmi për ta përmbyllur këtë proces. Tjetra, të kuptojmë cilat janë nevojat për instrumente shtesë e mbështetëse, për të përshpejtuar ritmin”-tha ish-ministri.
Xhafaj, shtoi më tej se është i pakënaqur me ritmin e punës KPK-së dhe ONM-së në këtë proces.
“Personalisht jam shumë i pakënaqur nga ritmi i punës së KPK-së dhe ONM-së në këtë proces. Cilat janë garancitë që s do vijmë prapë këtu pas 2 vjetësh e të themi a e shtyjmë prapë?” tha ai./Opinion.al
