Kryetari i Komisionit të Ligjeve, Fatmir Xhafa ishte përkrah Edi Ramës sot në Universitetin e Elbasanit duke u shpjeguar studentëve se pse është e domosdoshme reforma në drejtësi.
Ndër të tjera, Xhafa tregoi edhe një histori por pa i përmendur emrin gjyqtarit dhe pa dhënë referencën kohore. Sipas tij gjyqtari kishte 80 mijë euro të pajustifikuara dhe nuk është dënuar.
Xhafa: “Nëse navigoni në procesverbalet e KLD, do gjeni shumë çudira, por unë po ju tregoj një prej tyre. Në një nga mbledhjet e KLD, një gjyqtar gjykohej për shkak të një kallëzimi që kishte bërë ILDKP. Ndërmjet shumë gjërave të tjera ishte një shumë rreth 80 mijë euro që gjyqtari s’e justfikonte dot. Pyetja që iu bë po ku i ke këto 80 mijë euro?
Po si? Ma dha ju e dini që ai kur shkon nëpër pub fal lekë më fali dhe mua këtë 80 mijë euro, ka ndonjë gjë të keqe të të falin 80 mijë auro?
Jo pak 80 mijë euro dhe këtë në KLD… Heshti KLD, heshti edhe Prokuroria që mori cështjen e tij. Pse heshti KLD? Se KLD ishte korporata”.
Duke qenë se Xhafa është kryetar i Ligjeve dhe kryetar i Komisionit të Reformës në Drejtësi ka detyrimin t’u tregojë studentëve dhe publikut, jo vetëm fabulën, por edhe të dhënat konkrete dhe madje mund ti kërkonte prokurorisë hetim për këtë rast korruptiv. /Opinion.al
