VW tërheq nga tregu modelin Touran me gaz

Volkswagen është duke tërhequr 5.900 vetura të modelit Touran me karburant të tipit gaz në të gjithë botën. Tërheqja e këtyre veturave bëhet për shkak të rrezikut potencial nga korrozioni në pajisjen e gazit, ku pastaj mund të ketë rrjedhje nga ajo dhe është cilësuar si “rrezik i madh që mund të përfundojë me pasoja”. Këto 5900 vetura të prekura nga ky problem, janë prodhuar në mes të viteve 2006­2009, ndërsa 3800 prej tyre janë të regjistruara në Gjermani. VW ka thënë se veturat e prekura nga ky problem duhet të lëvizen vetëm me benzinë deri sa t’i ndërrohet pajisja e gazit.