Presidenti serb Aleksandar Vuçiç ka deklaruar gjatë fjalës në Smederevë se “revolucioni me ngjyra në Serbi u organizua me miliarda euro që Serbia të mos mund ta mbronte Kosovën dhe që të mos mund të ndihmonte Republikën e saj Sërpska”.
“Ata organizuan revolucionin me ngjyra, kryesisht sepse donin ta shkatërronin Serbinë, në mënyrë që Serbia të mos mund të mbronte Kosovën dhe popullin e saj në Kosovë, dhe që Serbia të mos mund të ndihmonte vëllezërit dhe njerëzit e saj në Republikën Sërpska”, tha Vuçiç.
Ai shtoi se tani po mundohen të bëjnë diçka me dhunë, por sipas tij, ky është fundi.
Presidenti serb u shpreh se nuk ka pasur periudhë më të keqe kur bëhet fjalë për investimet e huaja direkte.
“Kanë bërë aq shumë për të shkatërruar Serbinë, kemi kaluar 2 muajt më të vështira për investimet e huaja direkte në 10 vitet e fundit. Gjithçka që kanë bërë, e kanë bërë ilegalisht. Bllokuan rrugët, i penguan njerëzit të ushtrojnë të drejtën e tyre kushtetuese për lirinë e lëvizjes. Ata ngacmuan njerëzit kudo që shkuan, bënë ç’mundën. Ne ishim të duruar dhe tolerantë që të mos shkaktonim një incident të vetëm”, u shpreh kreu i shtetit serb.
Ka kohë që në Serbi janë organizuar protesta të mëdha, dhe gjithçka nisi nga tragjedia në stacionin e trenit në Novi Sad, Nëntorin e vitit të kaluar. /Klankosova.tv
