Rajoni

Vuçiç për dialogun me Kosovën: Serbia në situatë pothuajse të pashpresë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:16 - 21/02/21 |
Doriana Çepunaj

Presidenti i Serbisë, Aleksandër Vuçiç, në një konferenecë shtypi, sot në Aeroportin e Beogradit, ku kishte dalë për të marrë 150 mijë doza të vaksinës AstraZeneca ka folur për dialogun me Kosovën duke thënë se situata për Serbinë është pothuajse e pashpresë.

“Serbia e di se cilat janë interesat e saj kombëtare dhe shtetërore dhe do të vazhdojë të luftojë për popullin e saj dhe të drejtat e tyre, pavarësisht nga fakti se situata është pothuajse e pashpresë”, tha Vuçiç.

Më tej ai ka ironizuar me liderin e Lëvizjes Vetëvendosje, Albin Kurti, duke thënë se “ai është duke ia zgjidhur Serbisë edhe zhvillimet e saj të brendshme”.

“Nuk keni përgjigje adekuate, shoh që Albin Kurti po e zgjidh edhe situatën tonë të brendshme, i cili po tregon se si duhet të duket Serbia dhe kush duhet të jetë në pushtet. Ndaloni, heshtni, lërini, ata janë të gjithë të fortë dhe të mençur. Ne do t’i lëmë, ata le ta bëjnë punën e tyre, ne do të bëjmë tonën”, u tha Vuçiç gazetarëve.

Kontingjenti i parë i 150,000 dozave të vaksinës kundër koronavirusit, të kompanisë AstraZeneca, ka arritur në mëngjesin e së dielës në Serbi./Opinion.al

 

 

 

Pas