Isa Mustafa ka treguar se Aleksander Vucic do të qëndrojë nesër në Kosovë. Ka thënë se lejen ia ka lëshuar Ministria e Punëve të Jashtme e Kosovës.
Kryeministri Isa Mustafa ka thënë se nuk ka asnjë problem pse Kryeministri i Serbisë do të qëndrojë të dielën në Kosovë. Shefi i Qeverisë së Kosovës ka thënë se Vucic do të vijë në Kosovë me leje të lëshuar nga Ministria e Punëve të Jashtme.
“MPJ i ka dhënë leje që të vijë në Kosovë. Kjo për mua nuk paraqet asnjë problem”, ka thënë Kryeministri në Prizren.
Këto komente Mustafa i ka bërë pas manifestimit për përvjetorin e 26 të Degës së LDK’së në Prizren.
