Presidenti serb, Aleksandër Vuçiç, zhvilloi një takim me ambasadorin rus në Beograd, Bocan-Kharchenko, me të cilin bisedoi për zhvillimet në Bruksel dhe situatën në veri të Kosovës.
Vuçiç i vuri në dukje diplomatit rus, se Serbia mbetet e përkushtuar në ruajtjen e paqes dhe stabilitetit, duke mos i kursyer kritikat për Prishtinën.
Sipas presidentit serb, autoritetet në Prishtinë vazhdojnë persekutimin ndaj popullatës serbe, në veri të Kosovës.
“Serbia është e përkushtuar për ruajtjen e paqes dhe stabilitetit. Por autoritetet në Prishtinë vazhdojnë persekutimin e përditshëm të popullatës serbe dhe sidomos në veri të Kosovës”, shkroi Vuçiç në foton e publikuar për takimin.
