Presidenti serb, Aleksander Vuçiç është takuar në Stamboll me homologu turk, Rexhep Taip Erdogan.
Mësohet se dy presidentët kanë diskutuar lidhur me dialogun mes Kosovës dhe Serbisë.
Vuçiç ka thënë se në takimin me Erdogan, ky i fundit është shprehur se është e rëndësishme të arrihet një zgjidhje kompromisi me Kosovën, shkruan Tanjug.
“Presidenti turk përkrah dialogun mes Prishtinës dhe Beogradit dhe beson se është e rëndësishme të arrihet një zgjidhje kompromisi”, ka thënë Vuçiçpas takimit.
Takimi u mbajt në Vilën Vahdettin në Stamboll dhe ishte i mbyllur për shtypin.
