POGRADEC- Vëllai i Almir Dacit, Genci Daci ka kërkuar që shteti të sjellë në Shqipëri trupin e vëllait të tij të vrarë në luftimet e Sirisë. Ai thotë se janë njoftuar në telefon për lajmin e rëndë dhe ende nuk i dinë rrethanat se si humbi jetën vëllai i tyre.
33 vjeçari Almir Daci, ish-imami i xhamisë së Leshnicës në Pogradec ishte shpallur në kërkim nga drejtësia shqiptare pasi akuzohej për rekrutim dhe financim të terrorizmit, propagandë për terrorizëm dhe krime terrorizmi.
Daci madje është shfaqur dhe në një video të ISIS, ku kërcënoheshin vendet e Ballkanit me sulme terroriste.
