Policia e Shtetit ka dhënë detaje lidhur me vrasjen e ndodhur këtë të enjte në Fier.
Ndërkaq, është identifikuar viktima. Bëhet fjalë për Elton Javorin 41-vjeç.
Ngjarja ndodhi rreth orës 11:00, në lagjen “16 prilli”. Uniformat blu bëjnë me dije se kanë identifikuar autorin dhe kanë ngritur pika kontrolli në çdo aks rrugor për kapjen e tij.
“Rreth orës 11:00, në lagjen “16 prilli”, është vrarë me armë zjarri shtetasi E. J., 41 vjeç, banues në Fier.
Shërbimet e Policisë, sapo kanë marrë njoftim, kanë shkuar menjëherë në vendngjarje, kanë identifikuar autorin dhe po punojnë për kapjen e tij.
Janë ngritur pika kontrolli në çdo aks rrugor, si dhe vijon intensivisht krehja e zonës.
Ndërkaq, grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe kapjen e autorit”-njofton policia.
