Një ngjarje e rëndë është regjistruar ditën e sotme në një fshat të Skraparit kur një 77-vjeçar është vrarë pasi është goditur me thikë.
Ngjarja ka ndodhur nga një konflikt i çastit. Rreth orës 17:30, në fshatin Jaupas, Ramadan Çela, 77-vjeç dhe Hamza Çela, 37-vjeç, komshinj me njëri tjetrin, janë përfshirë në një sherr ku ky i fundit ka nxjerrë thikën dhe ka qëlluar për vdekje të moshuarin.
Sipas njoftimit të policisë i moshuari ka qenë vetëm në banesë. Fatkeqësisht ai nuk ka mundur ti mbijetojë plagëve të marra dhe ka ndërruar jetë.
Menjëherë pas marrjes së informacionit për ngjarjen e ndodhur, shërbimet e Komisariatit të Policisë Skrapar kanë rrethuar zonën dhe kanë bërë të mundur identifikimin dhe arrestimin e autorit.
Në cilësinë e provës materiale grupi hetimor ka sekuestruar armën e krimit.
Grupi hetimor, nën drejtimin e Prokurorisë po punon për zbardhjen e plotë të rrethanave të ngjarjes. /Opinion.al
