Drejtuesi i skafit që i shkaktoi vdekjen ditën e djeshme një pushuesi në plazhin e Himarës është një biznesmen i fuqishëm që operon në fushën e ndërtimit. 44-vjeçari nga Elbasani Fatmir Kuçi, është arrestuar nga policia, pasi goditi me skaf një pushues që notonte në det dhe u largua.
Kuçi rezulton se është pronar i kompanisë “Victoria Invest” e shtrirë me nje aktivitet te gjere në Shqipëri, Kosovë dhe Maqedoni.
44-vjeçari ka qenë duke drejtuar mjetin lundrues tip “skaf-plastik”, me mbishkrimin “Black Arrow”, kur ka dëmtuar aksidentalisht turistin rus Denis Kaiumov, i cili gjeti vdekjen në spitalin e Himarës si pasojë e plagëve të marra.
