Gjykata e Vlorës la në masën ‘arrest në burg’ Mario Ribajn dhe Endri Pangon.
Mario Ribaj është autori i vrasjes së 23-vjeçarit Fabio Veizaj tre ditë më parë në Vranishtë të Vlorës. Ndërsa Pango akuzohet për fshehje të krimit dhe përkrahje të autorit.
Fabian Veizaj u qëllua me armë zjarri mesditën e së premtes pranë shtëpisë se tij pas një konflikti që kishte lindur mes dy të rinjve që ishin shokë që në fëmijëri.
Autori i vrasjes i kishte shitur viktimës një automjet në muajin shtator për të cilën i kërkonte paratë që viktima i kishte mbetur borxh. Nga hetimet mësohet se bëhet fjalë për 1.5 milionë lekë (të vjetra).
Vrasësi u kap pak orë pas ngjarjes bashkë me Pangon, që po e ndihmonte të arratisej. Policia sekuestroi armën e krimit dhe municionet e fshehura në pyll.
Autori është shfaqur i penduar në gjykatë.
