Policia e Kosovës ka arrestuar një shtetas shqiptar, i cili akuzohet për vrasje.
Sipas njoftimit të prokurorisë së Gjakovës, shqiptari me inicialet M.D., akuzohet se më 12 nëntor 2000, në fshatin Koshare, Komuna e Gjakovës, ka vrarë një person, dhe ka plagosur dy persona të tjerë.
“Prokuroria Themelore në Gjakovë, Departamenti për Krime të Rënda, ju njofton se, më 26 gusht 2021, në bashkëpunim me Policinë e Kosovës, ka ndaluar personin me inicialet M.D., nga Republika e Shqipërisë, nën dyshimin se ka kryer veprat penale “Vrasje e rëndë”, dhe “Armëmbajtje pa leje”. Ekziston dyshimi se i njëjti, më 12 nëntor 2000, në fshatin Koshare, Komuna e Gjakovës, me armë zjarri ka vrarë një person, dhe ka plagosur dy persona të tjerë.
I dyshuari me urdhër të prokurorit të shtetit gjendet në ndalim 48 orë”, thuhet në njoftim.
