Kronikë

Vrau italianin, shqiptarja: Ishte i dhunshëm, i shkova në shtëpi se më duhej puna


Bëhu pjesë e Grupit Zyrtar të Opinion.al
>> KËTU <<
               Publikuar në : 12:25 - 22/12/21 |
Opi Nion

Mide Ndreu, 51-vjeçarja shqiptare që u vu në pranga në Itali pas vrasjes së pensionistit, 68-vjeçar nga Novara Antonio Amicucci, ka dhënë dëshminë e saj para prokurorëve.

Sipas mediave italiane ajo ka thënë: “Ai ishte i dhunshëm. Nga frika i plotësova kërkesat e tij.  Në shtëpinë e tij shkova sepse më duhej puna”. “Edhe ditën e vrasjes do të kishte ndodhur diçka tjetër por ai më ngacmoi unë refuzova dhe ai mori një thikë. Pati një përleshje dhe unë ia rrëmbeva thikën  për t’u mbrojtur”.

Mide Ndreu, shërbyesja pesëdhjetë e një vjeçare me origjinë shqiptare më 24 nëntor goditi me thikë dhe vrau pensionistin 68-vjeçar nga Novara Antonio Amicucci, në shtëpinë e pensionistit në një ndërtesë publike në via Andoardi në Novara.

E mbrojtur nga avokatët Giuseppe Ruffier dhe Annalisa Lipari, gruaja, e cila aktualisht ndodhet në burg në Vercelli me akuzën e vrasjes së rëndë donte të sqaronte disa aspekte të historisë dramatike, veçanërisht dinamikën e fakteve, për të cilat ajo kishte folur edhe pas arrestimit të kryer nga karabinierët dhe më pas gjatë verifikimit para gjyqtarit hetues.

Sipas Ndreut, në mëngjesin e ditës kur ndodhi vrasja ajo po lante enët. 68-vjeçari i ishte afruar dhe kishte filluar ta prekte. “Nuk dua, ndalo”, i ishte përgjigjur gruaja. Më pas ai nxorri një thikë nga lavamani dhe ia drejtoi gruas.

Pas kësaj ka nisur edhe përleshja, ku viktima ka tentuar që ta çojë gruan në divan. Më pas janë ulur aty dhe shqiptarja ka mundur që t’ia marrë nga dora thikën.

Pensionisti kishte vazhduar që ta ngacmonte, por në moment zemërimi, shqiptarja e ka goditur 12 herë me thikë në kraharor dhe bark.

Sipas asaj që shkruajnë mediat, plagët e shkaktuara nuk ishin vdekjeprurëse. Por kombinuar edhe me problemet e mëparshme shëndetësore të viktimës, i sollën atij vdekjen.

Avokatët e shqiptares do të kërkojnë arrest shtëpie për Nreun, duke marrë parasysh edhe disa probleme shëndetësore të saj./Opinion.al

Pas