49-vjeçari shqiptar që të dielën mbrëma goditi me thikë dhe vrau gruan e tij 41-vjeçare në Zakynthos është paraqitur sot në gjykatë duke u kërkuar falje fëmijëve.
Autori kishte kërkuar dhe kishte marrë afat të martën e kaluar nga prokurori publik i Zakynthos për të kërkuar falje para hetuesit këtë të premte. Ndaj tij është ngritur procedim penal për vrasje në tentativë dhe për vrasje me dashje .
Sipas burimeve policore, gruaja ka marr plagë me thikë në brinjë dhe fytyrë dhe është goditur me grushte dhe shkelma.
Ende sipas të njëjtave burime, pas ndërhyrjes së Prokurorit të Zakynthos, qendra sociale “Buzëqeshja e Fëmijës” pritet të kujdestarinë për dy fëmijët e mitur të 41-vjeçarit.
Bëhet fjalë për një vajzë 8 vjeç dhe një djalë 14 vjeç, ndërsa fëmija i tretë është i rritur, 19 vjeç dhe jeton në Kalamatë.
Autori u arrestua mëngjesin e së hënës në pallatin ku punonte në fshatin Keri, ndërsa në kuadër të hetimeve paraprake, të kryera nga Departamenti i Sigurimit të Zakinthos, iu gjet dhe sekuestrua një thikë.
Bëhet e ditur se 41-vjeçarja kishte denoncuar vazhdimisht për dhunë nga bashkëshorti i saj. Autori u arrestua sërish për dhunë në familje më 18 qershor, sërish pas një padie nga bashkëshortja e tij.
Por ai ishte aq i dhunshëm në karakter dhe aq hakmarrës në sjelljen e tij, saqë vazhdimisht kërcënonte dhe rrihte gruan e tij. Por pavarësisht kësaj ai u la i lirë, edhe pse gruaja bëri përpjekje për të mbrojtur sigurinë e saj përmes një urdhri mbrojtjeje.
