Bota

Vrau dhe copëtoi të dashurën 40 vite më të re, si u zbulua historiani rus


               Publikuar në : 16:52 - 11/11/19 |
el ida

Një historian i famshëm rus njëherësh ish-ushtarak, Oleg Sokolov u arrestua në Shën Petersburg, i dyshuar si autor i vrasjes së studentes së tij. Ai u nxor nga ujërat e lumit të akullt Moyka në orën e para të mëngjesit të së shtunës, ndërsa mbante një çantë shpine ku u gjetën krahët e viktimës.

Sipas policisë, 63-vjeçari kishte qenë në gjendje të dehur dhe kishtë rënë në lumë ndërsa përpiqej të zhdukte pjesë të trupit të viktimës. Më pas policia gjeti trupin me kokë të prerë dhe një sharrë në shtëpinë e tij  në qytetin e Shën Petersburg.

Duke cituar burime të policisë, agjensia shtetërore e lajmeve TASS shkruan se viktima mund të jetë një studente e tij, Anastasia Yeshchenko, nga rajoni Krasnodar i Rusisë, me të cilën ai kishte një lidhje dashurie.

Sipas agjencisë së lajmeve AFP, avokati i historianit iu ka thënë hetuesve se Oleg Sokolov planifikonte të zhdukte kufomën e më pas të kryente vetëvrasje në publik, i veshur si Napoleoni ndërsa shtoi se ai do të pranojë fajsinë për krimin e bërë.

Sokolov, është një historian i shquar i universitetit Shtetëror të Shën Peterburgut. Në vitin 2003, ai ka marrë urdhrin e Legjionit të nderit, dekorata më e lartë civile e Francës, nga Presidenti i atëhershëm Zhak Chirac, lidhur me studimin e tij mbi Napoleon Bonapartin./Opinion.al

Pas