Një ngjarje e rëndë ka tronditur ditën e sotme Bulqizën, ku gjatë një sherri mes të rinjve humbi jetën 21-vjeçari, Arlind Pasha.
Mësohet se autori është 22-vjeçari, Fatjon Keta, i cili pasi është konfliktuar me viktimën e ka qëlluar atë me thikë. Goditja rezultoi fatale për të riun, i cili humbi jetën gjatë rrugës për në spital.
Ndërkohë, të tjera detaje janë zbardhur për autorin i cili qëlloi për vdekje Arlind Pashën. Keta dyshohet se është person me probleme mendore, ndërsa pak para se të kryente krimin kishte ushtruar dhunë ndaj nënës dhe motrës së tij dhe më pas kishte marrë një thikë dhe kishte dalë nga banesa./ Opinion.al E.Xh.
