Dy persona mbetën të vrarë dhe 4 të tjerë u plagosën si pasojë e një sulmi me armë zjarri në një park në Kentaki në Shtetet e Bashkuara të Amerikës.
Sipas zyrtarëve të policisë amerikane vrasja e dyfishtë ndodhi teksa në park po zhvillohej një aktivitet tradicional i futbollit amerikan, mes të rinjve.
Viktimat raportohet se janë dy meshkuj me ngjyrë, ndërsa personat e plagosur u dërguan në spital dhe janë jashtë rrezikut për jetën.
Ende nuk ka asnjë të dyshuar për krimin dhe motivet e tij mbeten të paqarta. Vrasjet e afro-amerikanëve janë shtuar ndjeshëm së fundi në SHBA, çka ka nxitur edhe protesta të shumta kundër racizmit dhe ksenofobisë./TV KLAN
