Policia e Fierit ka zbardhur ngjarjen e rëndë të ndodhur ditën e djeshme në fshatin Kasnicë të Patosit, ku pas një konflikti mes fqinjësh mbeti i vrarë një 46-vjeçar.
Viktima është identifikuar si Përparim Seati, i cili ndërroi jetë në ambientet e spitalit. Ndërkohë, policia ka arrestuar autorin që qëlloi 46-vjeçarin me thikë.
Ai është 31-vjeçari Alionid Sali, mbi të cilin rëndon akuza “Vrasje me dashje” dhe “Mbajtje pa leje të armëve të ftohta”.
Sipas informacioneve, bëhet me dije se vëllai dhe nipi i viktimës pak para ngjarjes kishin dhunuar nënën e autorit, e cila ndodhet në Spitalin e Traumës.
Bëhet fjalë për Agron Seati, 59 vjeç, banues në Kasnicë, Patos, vëllai i 46-vjeçarit dhe Gazmir Seati, 28 vjeç, nipi i viktimës, djali i 59-vjeçarit.
Arrestimi i tyre u bë si autorë të dyshuar për kryerjen e veprës penale “Plagosje e rëndë me dashje” dhe “Dhunimi i banesës” të kryera në bashkëpunim, pasi bashkëpunim me njëri-tjetrin, pak para ngjarjes kanë shkuar në banesën e shtetases K. Sali, 61 vjeçe, nëna e autorit të arrestuar dhe e kanë goditur me sende te forta në trup, e cila është dërguar në spitalin e Traumës në Tiranë nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë Fier për veprime të mëtejshme./ Opinion.al
