Policia ka dhënë informacion zyrtar në lidhje me vrasjen e ndodhur sot në Ndroq të Tiranës.
Sipas autoritete, ngjarja ka ndodhur rreth orës 15:30 në ambientet e një lokali në Ndroq.
Autori i ngjarjes, tashmë i identifikuar nga Policia, është futur në ambientet e lokalit ku ndodhej 50-vjeçari Alfred Dedja dhe e ka qëlluar për vdekje me armë zjarri.
Rezulton se autori është me precedent të mëparshëm penal për armëmbajtje pa leje. Aktualisht autoritetet po punojnë për kapjen e autorit si dhe për zbardhjen e dinamikës së ngjarjes.
Njoftimi i Policisë
Tiranë/Informacion paraprak
Më datë 01.12.2024, rreth orës 15:30, në një lokal në Ndroq, në rrethana ende të paqarta është vrarë me armë zjarri shtetasi A. D., rreth 50 vjeç.
Autori është identifikuar nga shërbimet e Policisë dhe një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj dhe kapjen e autorit të dyshuar.
