Gjykata e Fierit ka vendosur sot masën e sigurisë për tre të rinjtë që mbytën dhe më pas hodhën në rezervuar Drita Saliajn në fshatin Gjerbë të Mallakastrës.
Gjykata vendosi masën “arrest me burg” pa afat për tre të rinjtë. U vendos gjithashtu që dy 16-vjeçarët Luis Saliaj dhe Sindi Shehaj t’i kalojnë për gjykim Gjykatës së Vlorës.
Mësohet se gjatë seancës dy 16-vjeçarët thanë se i përmbahen deklaratave të dhëna në polici. Ndërsa 26-vjeçari Ervis Zotaj ka deklaruar se nuk ka marrë pjesë në ngjarje. Ai ka pranuar se ka patur dijeni por nuk ka qenë brenda në shtëpi.
Tre të rinjtë hynë në shtëpinë e Drita Saliajt mbrëmjen e 5 janarit duke pirë edhe kafenë nga e zonja e shtëpisë. Më pas ata në tentativë për ta grabitur e lidhën dhe e hodhën në rezervuarin e fshatit. 51-vjeçarja u gjet e pajetë në rezervuarin e fshatit dy ditë pas ngjarjes, nga polumbarët e forcave RENEA. /Opinion.al
