Ervis Martinaj mbetet i lirë, pasi Gjykata e Apelit të Tiranës la në fuqi vendimin e dhënë nga Gjykata e Shkallës së parë.
Kjo e fundit më 3 maj ndryshoi masën e sigurisë së Martinajt nga “arrest në burg”, në “liri në këmbim të garancisë pasurore” prej 5 milionë lekësh të reja, pas kërkesës së bërë nga avokatët mbrojtës.
Ervis Martinaj u arrestua në Spitalin e Traumës, pak orë pasi kishte dhënë dëshminë e tij për ngjarjen e rëndë të 4 tetorit në zonën e ish-Bllokut, ku pas një përplasje me armë zjarri, mbeti i vrarë truproja i tij, Fabian Gaxha, dhe u plagos një tjetër shoqërues i tij.
Përplasja me armë zjarri ndodhi pas një konflikti mes Martinajt dhe Ervin Matës dhe shokut të tij ish-komando, Merviol Billo. Ky i fundit, është shpallur në kërkim dhe dyshohet se është personi që shkaktoi vrasjen e Gaxhës dhe plagosjen e dy të tjerëve./Opinion.al
