Dy muaj pas vrasjes së Caroline, familjarët e saj duan të dinë shkaqet që çuan në vrasjen e vajzës së tyre. Ata nuk janë të bindur nga rrëfimi i pilotit 32-vjeçar, Babis Anagnostopoulos i cili ka deklaruar se ka mbytur 20-vjeçare pas një sherri.
Por prindërit e Carolinë nuk mendojnë që e gjitha ngjarja ndodhi nga një konflikt i çastit mes tyre. Më 15 korrik, pritet që prokurori të marrë përsipër çështjen dhe të kërkojë të dhënat e llogarisë bankare të pilotit, për të parë dhe të gjitha depozitat e tij.
Piloti 32-vjeçar po mbahet në një pavijon të veçantë të burgut Korydallos bashkë te dënuar të tjerë të njohur për opinionin publik grek.
Kujtojmë se ngjarja e rëndë tronditi Greqinë dy muaj më parë, kohë kur piloti mbyti gruan e tij në shtëpinë e tyre në sy të foshnjës dhe më pas vari qenin në shkallët e shtëpisë duke iu thënë hetuesve se në banesë ndodhi në grabitje.
E vërteta u zbulua pas 37 ditësh, për shkak se piloti u “tradhtua” nga teknologjia e orës së Caroline dhe telefonit të tij celular. Më pas ai rrëfeu si ndodhi ngjarja dhe pranoi vrasjen./Opinion.al
